‘కోర్ట్‘.. బిహైండ్ ది క్యారెక్టర్స్ లిస్ట్!

ఈమధ్య కాలంలో తెలుగులో కూడా కంటెంట్ ఓరియెంటెడ్ మూవీస్ పెరిగాయి. వాస్తవ సంఘటనలను ప్రేరణగా తీసుకుని వాటిని సినిమాలుగా మలుస్తున్నారు. ప్రస్తుతం నేచురల్ స్టార్ నాని నిర్మాణంలో ప్రియదర్శి హీరోగా నటిస్తున్న ‘కోర్ట్‘ చిత్రం ఆ కోవలోకే వస్తోంది. ‘కోర్ట్‘.. ‘ స్టేట్ వర్సెస్ నోబడీ‘ అనే ట్యాగ్ లైన్ తో ఈ మూవీ వస్తోంది.

ఆద్యంతం కోర్ట్ డ్రామాగా రామ్ జగదీష్ తెరకెక్కిస్తున్న ఈ మూవీలో శివాజీ, సాయికుమార్, రోహిణి, హర్షవర్ధన్, హర్ష్ రోషన్ ఇతర కీలక పాత్రలు పోషిస్తున్నారు. మార్చి 14న విడుదలకు ముస్తాబవుతోన్న ‘కోర్ట్‘ ప్రచారంలో స్పీడు పెంచింది టీమ్. ఈ మూవీ నుంచి వరుసగా వ్యాల్యూమ్స్ పేరుతో క్యారెక్టర్స్ ను పరిచయం చేస్తున్నారు. ఈ వీడియోలను చూస్తుంటే సినిమాలోని ప్రతీ పాత్రను దర్శకుడు ఎంతో ఆసక్తికరంగా డిజైన్ చేసినట్టు తెలుస్తోంది.