‘వార్ 2’ లో ఆ ఫైట్ సీన్ నెవర్ బిఫోర్ అట !
ఒక్కడు.. వందమందితో పోరాటం. పౌరాణిక కథలా అనిపిస్తున్నా ఇది స్ర్కీన్ పై యథార్థం కాబోతోంది. ఎందుకంటే ఆ ఒక్కడు జూనియర్ ఎన్టీఆర్ కాబట్టి. ఇప్పటికే హృతిక్ రోషన్, ఎన్టీఆర్ కలిసి తెరపై తళుక్కుమనే యాక్షన్ థ్రిల్లర్ ‘వార్ 2’ మీద భారీ అంచనాలు నెలకొన్నాయి. కానీ తాజాగా వచ్చిన అప్‌డేట్ అభిమానుల్లో మరింత ఉత్సాహాన్ని పెంచింది. ఈ చిత్రంలో ఎన్టీఆర్ ఓ షిప్‌పై వందమందితో ఒంటరిగా పోరాడే విజువల్ ఎక్స్‌ట్రావగాంజా చూడబోతున్నాం.
సాధారణంగా అలాంటి సన్నివేశాలు హాలీవుడ్ సినిమాల్లో చూస్తుంటాం. కానీ ఎన్టీఆర్ స్టామినాతో, యాక్షన్ టైమింగ్‌తో వస్తే ఆ ఫైట్ మామూలుగా ఉండదని సినీప్రేమికులు నమ్మకంగా చెబుతున్నారు. ఆయన ఎనర్జీ, స్క్రీన్ ప్రెజెన్స్, ఫైటింగ్ స్టైల్ చూసిన వాళ్లకు ఈ యాక్షన్ సీక్వెన్స్ ఎలా ఉండబోతుందో ఊహించగలిగే స్థాయిలో ఉంది. గతంలో ‘ఆర్ ఆర్ ఆర్’ లో తన పవర్‌ఫుల్ పెర్ఫార్మెన్స్‌తో ప్రపంచాన్ని ఆశ్చర్యపరిచిన ఎన్టీఆర్, ఇప్పుడు బాలీవుడ్‌లో తనదైన ముద్ర వేసేలా కనిపిస్తున్నాడు.
‘వార్ 2’ వచ్చే 2025 ఆగస్టు 14 న విడుదల కానుంది. యశ్ రాజ్ ఫిల్మ్స్ స్పై యూనివర్స్‌లో అత్యంత ప్రతిష్టాత్మకంగా తెరకెక్కుతున్న ఈ చిత్రం బాలీవుడ్ యాక్షన్ సినిమాలకు కొత్త బార్లు పెడుతుందనడంలో ఎలాంటి సందేహం లేదు. హృతిక్, ఎన్టీఆర్ కలిసి తెరను మంటపెట్టబోతున్నారు. ముఖ్యంగా ఎన్టీఆర్ తొలి బాలీవుడ్ ఎంట్రీనే ఇంత విపరీతమైన యాక్షన్ రోల్‌తో రావడం బాక్సాఫీస్‌కు వేరే లెవెల్‌లో షాక్ ఇవ్వనుంది.