‘జాట్’ ట్రైలర్ రిలీజ్ కు వేళాయెరా !

'గదర్ 2' భారీ సక్సెస్ తర్వాత సన్నీ డియోల్ వరుస చిత్రాల షూటింగ్‌తో బిజీగా ఉన్నారు. ప్రస్తుతం 'బోర్డర్ 2' చిత్రీకరణలో నిమగ్నమైన ఆయన.. మరోవైపు రాబోయే మాస్ ఎంటర్‌టైనర్ 'జాట్'ను ప్రమోట్ చేస్తున్నారు. తాజాగా.. ఈ యాక్షన్ మూవీ ట్రైలర్ మార్చి 22న విడుదల కానుందని చిత్ర బృందం ప్రకటించింది. ప్రేక్షకులకు ఇప్పటివరకు చూడని స్థాయిలో యాక్షన్ అందించ బోతున్నామని నిర్మాతలు హామీ ఇచ్చారు.

ఇక ఈ సినిమా అధికారిక ట్రైలర్ లాంచ్ ఈవెంట్ వివరాలను వెల్లడించారు మేకర్స్. ఈ భారీ ఈవెంట్ రాజస్థాన్‌లోని జైపూర్‌లోని విద్యాధర్ నగర్ స్టేడియంలో.. మార్చి 22న సాయంత్రం 5 గంటలకు జరుగనుంది. ఈ మేరకు ఓ కొత్త పోస్టర్‌ను విడుదల చేశారు. ఇందులో సన్నీ డియోల్ ఓ కూల్ డ్రింక్ తాగుతూ తన శత్రువులను నేలకూల్చుతున్న తీరు ఆకట్టుకుంటోంది.

ఈ పోస్టర్‌ను షేర్ చేస్తూ చిత్రబృందం.. ‘ఇంకెప్పుడూ చూడని స్థాయిలో యాక్షన్‌కు సిద్ధం అవ్వండి. ‘జాట్’ ట్రైలర్ మార్చి 22న విడుదల. గ్రాండ్ ట్రైలర్ లాంచ్ ఈవెంట్, విద్యాధర్ నగర్ స్టేడియం, జైపూర్, సాయంత్రం 5 గంటలకు. ప్రపంచవ్యాప్తంగా గ్రాండ్ రిలీజ్ ఏప్రిల్ 10న’.. అంటూ క్యాప్షన్ ఇచ్చారు.

ఇంతకు ముందు విడుదలైన టీజర్‌ ద్వారా ఈ చిత్రంలో సన్నీ డియోల్‌ మాస్ యాక్షన్ లెవెల్ ఏంటో చూపించారు. శత్రువుల ఎముకలు విరుస్తూ, పవర్‌ఫుల్ డైలాగ్‌లు చెబుతూ ఆయన అదిరిపోయే మాస్ ఫీస్ట్ అందించబోతున్నట్లు స్పష్టమైంది. ఈ యాక్షన్ మూవీకి గోపీచంద్ మలినేని దర్శకత్వం వహిస్తుండగా, మైత్రీ మూవీ మేకర్స్, పీపుల్ మీడియా ఫ్యాక్టరీ సంయుక్తంగా నిర్మిస్తున్నాయి. హిందీ, తెలుగు, తమిళ భాషల్లో ఏప్రిల్ 10, 2025న విడుదల కానుంది.