అవకాశాలు తగ్గినా... రెమ్యూనరేషన్‌లో కాజల్ దూకుడు!
అవకాశాలు తగ్గినా... రెమ్యూనరేషన్‌లో కాజల్ దూకుడు!‘జనతా గ్యారేజ్, టెంపర్’ వంటి బ్లాక్‌బస్టర్‌లతో టాలీవుడ్‌ను శాసించిన కాజల్ అగర్వాల్.. ఇప్పుడిప్పుడే కథానాయిక ప్రధానమైన పాత్రల నుంచి వెనుకంజ వేస్తున్నా.. ఆమె రెమ్యూనరేషన్ మాత్రం తగ్గడం లేదు. ఇటీవల ఆమె ఎక్కువగా గెస్ట్ రోల్స్, సపోర్టింగ్ క్యారెక్టర్స్‌నే చేస్తోంది. అయినప్పటికీ, ఆమె డిమాండ్ చేసిన పారితోషికం ఇప్పటికీ టాలీవుడ్, బాలీవుడ్‌లో చర్చనీయాంశంగా మారింది.
తాజాగా.. కాజల్ అగర్వాల్ సల్మాన్ ఖాన్, రష్మిక మందన్నా ప్రధాన పాత్రల్లో నటిస్తున్న ‘సికందర్’ సినిమాలో ఒక చిన్న రోల్ చేయబోతున్నట్లు సమాచారం. అయితే, ఆ చిన్న పాత్రకే ఆమె భారీ పారితోషికం కోరడం ఇండస్ట్రీలో అందరినీ ఆశ్చర్యపరిచింది. ఇండస్ట్రీ వర్గాల సమాచారం ప్రకారం, సికందర్ సినిమాలో కాజల్ పాత్ర చిన్నదే అయినప్పటికీ, ఆమె ఏకంగా రూ. 3 కోట్లు డిమాండ్ చేసి, ఫైనల్ డీల్ కూడా క్లోజ్ చేసిందట.
ఈ సినిమా ప్రధాన కథానాయికగా నటిస్తున్న రష్మిక మందన్నా రూ. 5 కోట్లు పారితోషికం తీసుకుంటుందట. రష్మిక ప్రస్తుతం పాన్-ఇండియా బ్లాక్‌బస్టర్‌లైన ‘పుష్ప 2, యానిమల్’ వంటి సినిమాలతో ఇండస్ట్రీలో అత్యంత డిమాండ్ ఉన్న హీరోయిన్‌గా పేరు తెచ్చుకుంది. అయితే, కాజల్ ఇప్పటికీ ఆ స్థాయిలో రెమ్యూనరేషన్ డిమాండ్ చేయగలగడం ఆమె బ్రాండ్ వాల్యూను స్పష్టం చేస్తోంది. అయితే, కాజల్ పారితోషికం ఆమెకు ఫేవర్ అవుతుందా? లేక ఇండస్ట్రీలో అవకాశాలను మరింత తగ్గించేలా చేస్తుందా? అన్నది చూడాలి. అయితే ఆమె పాత్ర ఎంత చిన్నదైనా, పే చెక్ మాత్రం బిగ్ హెడ్లైన్ అవుతోంది!