ఆస్కార్ వేదికపై ‘అనోరా’ విజయం
హాలీవుడ్‌లో భారీ బడ్జెట్ చిత్రాలు హావా కొనసాగిస్తోన్న ఈ రోజుల్లో, విభిన్న కథాంశంతో ‘అనోరా’ (Anora) అనే సినిమా ఆస్కార్ వేదికను తాకింది. ప్రముఖ దర్శకుడు సీన్ బేకర్ దర్శకత్వంలో తెరకెక్కిన ఈ చిత్రం, తక్కువ బడ్జెట్‌లోనే ఘన విజయాన్ని సాధించి, ఐదు ఆస్కార్ అవార్డులను గెలుచుకుంది. ముఖ్యంగా ఉత్తమ చిత్రం, ఉత్తమ దర్శకుడు, ఉత్తమ స్క్రీన్‌ప్లే, ఉత్తమ ఎడిటింగ్, ఉత్తమ నటి విభాగాల్లో అవార్డులు దక్కించుకోవడం విశేషం.
అనోరా మిఖీవా అనే 23 ఏళ్ల యువతి జీవితం నేపథ్యంలో ఈ చిత్రం తెరకెక్కింది. బ్రూక్లిన్‌లో నివసించే అనోరా వృత్తిరీత్యా ఓ వ్యభిచారి. ఆమె రష్యా బిలియనీర్ కుమారుడు వన్య జాకరోవ్‌ను కలుస్తుంది. వీరి మధ్య అనూహ్యమైన పరిచయం ఏర్పడి, ప్రేమలో పడతారు. అనుకోకుండా పెళ్లి చేసుకున్న ఈ జంట, సామాజిక రుగ్మతలకు గురవుతారు. వన్య తల్లిదండ్రులు తమ కుమారుడిని విడిపించేందుకు అనోరాకు డబ్బు ఆఫర్ చేస్తారు. ఇక అనోరా వారి ప్రతిపాదనను అంగీకరించిందా? లేక తన జీవితాన్ని కొత్తగా మలిచుకుందా? అనేదే కథ ఉత్కంఠ.
‘అనోరా’ సినిమా 2024లో కేన్స్ ఫిల్మ్ ఫెస్టివల్‌లో ప్రదర్శించబడింది. అక్కడే ‘పామ్ డి ఓర్’ అవార్డును దక్కించుకుంది. ఆ తర్వాత ఆస్కార్ 2025లో ఇది భారీ విజయం సాధించింది. ఆస్కార్ వేదికపై ఉత్తమ దర్శకుడు, ఉత్తమ నటి, ఉత్తమ స్క్రీన్‌ప్లే, ఉత్తమ ఎడిటింగ్, ఉత్తమ చిత్రంగా ఎంపికై, టాప్ అవార్డులను గెలుచుకుంది. దర్శకుడు సీన్ బేకర్ ఈ అవార్డును వ్యభిచార రంగంలో ఉన్న మహిళలకు అంకితం ఇస్తూ భావోద్వేగ స్పీచ్ ఇచ్చారు.