'తండేల్' నుంచి బ్యూటిఫుల్ రొమాంటిక్ మెలోడీ!

సంక్రాంతి సినిమాల తర్వాత టాలీవుడ్ నుంచి రాబోతున్న క్రేజీ మూవీ 'తండేల్'. నాగచైతన్య కెరీర్ లో ఫస్ట్ పాన్ ఇండియా మూవీగా ఈ చిత్రం రూపొందుతుంది. 'కార్తికేయ 2'తో పాన్ ఇండియా హిట్ అందుకున్న చందూ మొండేటి డైరెక్షన్.. ప్రతిష్ఠాత్మక గీతా ఆర్ట్స్ ప్రొడక్షన్ కావడంతో 'తండేల్'పై అంచనాలు తారా స్థాయిలో ఉన్నాయి.

ఈ సినిమాలో నాగచైతన్యకి జోడీగా సాయిపల్లవి నటిస్తుంది. రాక్ స్టార్ దేవిశ్రీప్రసాద్ సంగీతాన్ని సమకూరుస్తున్న ఈ మూవీ నుంచి వచ్చిన ఫస్ట్ సింగిల్ 'బుజ్జి తల్లి' సెన్సేషనల్ హిట్ అయ్యింది. ఆ తర్వాత వచ్చిన 'నమో నమః శివాయ' సైతం బాగా ఆకట్టుకుంది. ఇప్పుడు ఈ సినిమా నుంచి థర్డ్ సింగిల్ వచ్చింది. 'హైలెస్సో హైలెస్సా' అంటూ శ్రీమణి రాసిన ఈ మెలోడియస్ రొమాంటిక్ సాంగ్ ను నకాష్ అజీజ్, శ్రేయా ఘోషల్ ఆలపించారు.

ఆద్యంతం సముద్రం నేపథ్యంలో ఉండే ఈ చిత్రంలో జాలరిగా కనిపించబోతున్నాడు చైతూ. ఈ పాటలో చైతన్య లుక్ అథెంటిక్ గా ఆకట్టుకుంటుంది. నేచురల్ బ్యూటీ సాయి పల్లవి ఎప్పటిలాగే తనదైన నేచురల్ పెర్ఫామెన్స్ తో అదరగొడుతుంది. వీరిద్దరి రొమాంటిక్ కెమిస్ట్రీ ఈ పాటలో బాగా వర్కవుట్ అయ్యింది. ఈ పాటలో మాంటేజెస్ బాగున్నాయి. మొత్తంగా.. ప్రచార చిత్రాలతో 'తండేల్'పై అంచనాలు రోజు రోజుకూ పెరుగుతున్నాయని చెప్పొచ్చు.