‘పట్టుదల‘ నుంచి అజిత్-త్రిష పార్టీ సాంగ్!

తమిళ అల్టిమేట్ స్టార్ అజిత్, అందాల నాయిక త్రిష జంటగా నటించిన చిత్రం ‘పట్టుదల‘. మగిళ్ తిరుమేణి తెరకెక్కించిన ఈ మూవీ స్టైలిష్ యాక్షన్ థ్రిల్లర్ గా రాబోతుంది. ఫిబ్రవరి 6న తమిళంతో పాటు.. తెలుగులోనూ గ్రాండ్ లెవెల్ లో రిలీజ్ కు రెడీ అవుతుంది. లేటెస్ట్ గా ‘పట్టుదల‘ నుంచి ఓ ఫాస్ట్ బీట్ ట్రాక్ ను వదిలారు.

అనిరుధ్ రవిచందర్ సంగీతంలో శ్రీ సాయి కిరణ్ రాసిన ‘సవదీక‘ అంటూ సాగే ఈ సాంగ్ ను ఆంథోని దాసన్, అనిరుధ్ ఆలపించారు. అజిత్, త్రిష మధ్య చిత్రీకరించిన ఈ పాట పార్టీ మోడ్ లో ఆకట్టుకుంటుంది. అజిత్, త్రిష గతంలో నాలుగైదు సినిమాల్లో నటించారు. మళ్లీ కాస్త గ్యాప్ తర్వాత వీరిద్దరూ నటించిన సినిమా ‘పట్టుదల‘. ఈ మూవీలో అర్జున్, రెజీనా ఇతర కీలక పాత్రలు పోషిస్తున్నారు.