'కల్ట్'తో కొత్త ప్రయోగం

'లైలా' సినిమా పరాజయం తర్వాత విశ్వక్ సేన్ ఇప్పుడు హిట్ కొట్టాలనే కృత నిశ్చయంతో ఉన్నాడు. ఇప్పటికే అనుదీప్ కె.వి. దర్శకత్వంలో ‘ఫంకీ‘ సినిమా చేస్తున్న విశ్వక్.. లేటెస్ట్ గా మరో కొత్త సినిమా ‘కల్ట్‘కి శ్రీకారం చుట్టాడు. ఈ సినిమాలో హీరోగానే కాకుండా దర్శకుడిగానూ డబుల్ ధమాకా అందించడానికి సిద్ధమవుతున్నాడు.

ఈరోజు ‘కల్ట్‘ మూవీ షూటింగ్ ప్రారంభమయ్యింది. తారక్ సినిమాస్ & వణ్మయి క్రియేటివ్స్ సంయుక్తంగా ఈ చిత్రాన్ని నిర్మిస్తున్నాయి. ఈ మూవీని పాన్ ఇండియా కాదు పాన్ గ్లోబల్ ట్యాగ్ తో రెడీ చేస్తున్నాడు విశ్వక్. తెలుగుతో పాటు హిందీ, ఇంగ్లీష్, జపనీస్, స్పానిష్ వంటి భాషల్లో విడుదల చేయనున్నాడట. ఈ సినిమాకి డైరెక్టర్ తరుణ్ భాస్కర్ మాటలు అందిస్తుండగా.. మ్యూజిక్ డైరెక్టర్‌గా రవి బస్రూర్ పనిచేస్తున్నాడు.