200 కోట్లు దాటేసిన చిత్రం

భారతీయ యానిమేషన్ సినిమాలపై ఉన్న అభిప్రాయాలను తలకిందులు చేస్తూ, హోంబలే ఫిల్మ్స్ నిర్మించిన 'మహావతార్ నరసింహ' బాక్సాఫీస్ వద్ద సంచలనం సృష్టించింది. జూలై 25న విడుదలైన ఈ మైథలాజికల్ యానిమేటెడ్ మూవీ 17 రోజుల్లోనే ప్రపంచవ్యాప్తంగా రూ.210 కోట్ల గ్రాస్ వసూళ్లను సాధించింది.

మొదటి రోజు రూ.2.3 కోట్లతో సాధారణంగా ప్రారంభమైన ఈ చిత్రం, పాజిటివ్ మౌత్ టాక్‌తో కలెక్షన్లు పెంచుకుంటూ వెళ్లింది. ఈ సినిమా విజయానికి కారణం నరసింహ స్వామి కథను భక్తి, భావోద్వేగాలతో శక్తివంతంగా చూపించడం. దర్శకుడు అశ్విన్ కుమార్ నమ్మకం, హోంబలే ఫిల్మ్స్ మద్దతు, కుటుంబ ప్రేక్షకుల ఆదరణ ఈ విజయానికి బలమైన కారణాలు.

పవన్ కళ్యాణ్ 'హరిహర వీరమల్లు', అజయ్ దేవగన్ 'సన్ ఆఫ్ సర్దార్ 2' వంటి భారీ చిత్రాలతో పోటీ పడుతూ కూడా ఈ చిత్రం రికార్డులు సృష్టించింది. 'మహావతార్ నరసింహ' మహావతార్ సినిమాటిక్ యూనివర్స్‌లో మొదటి భాగం. ఇంకా ఈ సినిమాటిక్ యూనివర్శ్ లో 'పరశురామ్, రఘునందన, ద్వారకాధిష్, గోకులనంద, కల్కి 1, కల్కి 2' వంటి సినిమాలు రానున్నాయి.