బాలయ్య మాస్ రచ్చ.. ఓటీటీలోనూ అదే జోరు!

గాడ్ ఆఫ్ మాసెస్ బాలకృష్ణ నటించిన ‘డాకు మహారాజ్‘ సినిమా థియేటర్లలో ఘన విజయాన్ని సాధించింది. సంక్రాంతి బరిలో విడుదలై టాలీవుడ్ బాక్సాఫీస్ ను కొల్లగొట్టింది. లేటెస్ట్ గా ఈ యాక్షన్ ఎంటర్ టైనర్ నెట్ ఫ్లిక్స్ వేదికగా డిజిటల్ స్ట్రీమింగ్ కి వచ్చింది. పలు భాషల్లో ఈ చిత్రం అందుబాటులోకి ఉంది.

ఓటీటీలో స్ట్రీమింగ్ స్టార్ట్ అవ్వగానే ట్రెండింగ్ లోకి దూసుకెళ్లింది ‘డాకు మహారాజ్‘. బాలకృష్ణ మాస్ యాక్షన్ పెర్ఫార్మెన్స్ ఈ సినిమాకు మెయిన్ హైలైట్. థియేటర్స్‌లో వీక్షించలేకపోయిన అభిమానులు ఓటీటీలో చూడడం ద్వారా మంచి అనుభూతిని పొందుతున్నట్లు సోషల్ మీడియాలో జోరుగా చర్చ సాగుతోంది.

సితార సంస్థ నిర్మించిన ఈ సినిమాకి డైరెక్టర్ బాబీ టేకింగ్, తమన్ బ్యాగ్రౌండ్ స్కోర్, విజయ్ కార్తీక్ కన్నన్ కెమెరా వర్క్ టెక్నికల్ గా ఎంతో ప్లస్ అయ్యాయి. బాలయ్య కెరీర్ లోనే సాంకేతిక పరంగా అత్యున్నత ప్రమాణాలతో రూపొందిన చిత్రంగానూ ‘డాకు మహారాజ్‘కి పేరొచ్చింది.