రష్మిక మందన్నకు గాయం.. అభిమానుల్లో ఆందోళన

నేషనల్ క్రష్ రష్మిక మందన్న తన సినిమాలతో నార్త్, సౌత్ తేడా లేకుండా బ్లాక్‌బస్టర్ విజయాలను అందుకుని మోస్ట్ వాంటెడ్ హీరోయిన్‌గా మారింది. ప్రస్తుతం ఆమె తన కొత్త ప్రాజెక్టులపై దృష్టి పెట్టినప్పటికీ, ఇటీవల గాయం కారణంగా వార్తల్లో నిలిచింది.

తాజా సమాచారం ప్రకారం, జిమ్‌లో వర్కవుట్ చేస్తున్న సమయంలో రష్మిక గాయపడ్డారు. ఈ గాయాన్ని దృష్టిలో ఉంచుకొని, డాక్టర్లు ఆమెకు పూర్తి విశ్రాంతి అవసరమని సూచించారు. దీని ఫలితంగా ఆమె నటిస్తున్న సినిమాల షూటింగ్‌లు తాత్కాలికంగా వాయిదా పడే అవకాశం ఉంది.

రష్మికకు గాయం అయ్యిందని తెలుసుకున్న అభిమానులు ఆమె ఆరోగ్యంపై ఆందోళన వ్యక్తం చేస్తున్నారు. అయితే, ఆమెకు తీవ్ర గాయాలు లేకపోవడంతో ఆందోళన చెందాల్సిన అవసరం లేదని ఆమె సన్నిహిత వర్గాలు స్పష్టం చేశాయి. ప్రస్తుతం రష్మిక ఆరోగ్యంపై ఫోకస్ పెట్టి త్వరలోనే తిరిగి షూటింగ్‌లు కొనసాగిస్తారని భావిస్తున్నారు. అభిమానులు ఆమె త్వరగా కోలుకోవాలని ఆకాంక్షిస్తున్నారు.