గద్దర్ అవార్డుల జ్యూరీ సమావేశం

తెలంగాణ రాష్ట్ర ప్రభుత్వం తెలుగు సినీ పరిశ్రమలో విశేష కృషి చేసిన ప్రతిభావంతులను సన్మానించేందుకు ప్రతిష్ఠాత్మకంగా ప్రవేశపెట్టిన గద్దర్ తెలంగాణ ఫిల్మ్ అవార్డులు 2025 సంవత్సరంలో ఘనంగా నిర్వహించనున్నారు. ఈ అవార్డుల కోసం జ్యూరీ సమావేశం హైదరాబాద్‌లోని తెలంగాణ ఫిల్మ్ డెవలప్‌మెంట్ కార్పొరేషన్ (TFDC) కార్యాలయంలో జరిగింది. ఈ సమావేశంలో జ్యూరీ ఛైర్మన్‌గా ప్రముఖ సినీ నటి జయసుధ నియమితులయ్యారు.

తెలంగాణ ప్రభుత్వం ఈ అవార్డుల కోసం 15 మంది సభ్యులతో కూడిన జ్యూరీని ఏర్పాటు చేసింది. ఈ జ్యూరీలో సినీ రంగంలో నిష్ణాతులైన వ్యక్తులను నియమించినట్లు TFDC ఛైర్మన్ దిల్ రాజు తెలిపారు. జయసుధ అధ్యక్షతన జరిగిన ఈ సమావేశంలో నామినేషన్ల స్క్రీనింగ్ ప్రక్రియ, అవార్డుల ఎంపిక విధానం, ఇతర సాంకేతిక అంశాలపై సభ్యులు చర్చించారు.

గద్దర్ తెలంగాణ ఫిల్మ్ అవార్డులకు అన్ని కేటగిరీలలో కలిపి మొత్తం 1,248 నామినేషన్లు అందినట్లు TFDC తెలిపింది. ఈ నామినేషన్లను రెండు ప్రధాన విభాగాలుగా విభజించారు. ఈ నామినేషన్ల స్క్రీనింగ్ ప్రక్రియను ఏప్రిల్ 21 నుంచి జ్యూరీ సభ్యులు ప్రారంభించనున్నారు.