అమరావతిలో ఆంధ్ర కేసరి విగ్రహం ఏర్పాటు చేయాలి - సీఎం చబుద్రబాబుకు వినతి

ఆంధ్రప్రదేశ్‌ తొలి ముఖ్యమంత్రి, స్వాతంత్ర సమరయోధుడు, ప్రజల మనిషి, "ఆంధ్ర కేసరి"గా ప్రసిద్ధిచెందిన టంగుటూరి ప్రకాశం పంతులు గారి స్మారక చిహ్నాన్ని అమరావతిలో ఏర్పాటు చేయాలని ఒంగోలు పట్టణానికి చెందిన ప్రముఖ రచయిత, సీనియర్ జర్నలిస్ట్ నెమ్మాని సీతారామమూర్తి గారు రాష్ట్ర ముఖ్యమంత్రి శ్రీ నారా చంద్రబాబు నాయుడు గారిని కోరారు.

ఇందుకోసం ఆయన ఇటీవల మంత్రి నారా లోకేష్ గారు, సీఆర్‌డీఏ అధికారుల, మరియు తెలుగుదేశం పార్టీ కేంద్ర కార్యాలయ నేతలకు స్వయంగా వినతిపత్రాన్ని అందజేశారు. రాజధాని అమరావతిలో ఇప్పటికే అల్లూరి సీతారామరాజు గారికి, పొట్టి శ్రీరాములు గారికి స్మారక చిహ్నాలు ఏర్పాటు చేయాలని సీఎం ఆదేశాలు జారీ చేసిన సంగతి తెలిసిందే. ఇటు ప్రకాశం పంతులు గారి విగ్రహాన్ని కూడా వాటి సరసన ఏర్పాటు చేయాలని నెమ్మాని అభిప్రాయపడ్డారు.

ప్రకాశం పంతులు గారు నిస్వార్థ ప్రజానాయకులు. న్యాయవాదిగా కోట్లాది రూపాయలు సంపాదించి, స్వాతంత్ర సమరంలో తమ సంపదను ధారపోసిన త్యాగమూర్తి. ప్రజల సంక్షేమమే తన లక్ష్యంగా, తన కుటుంబానికి ఏమి మిగల్చకుండా జీవితాంతం ప్రజల కోసం పనిచేసిన మహోన్నత వ్యక్తి.

వారి గురించి గాంధీ, నెహ్రూలకు సమకాలీకుడిగా గుర్తించబడతారు. 1953లో ఆంధ్ర రాష్ట్రం ఏర్పడినప్పుడు మొదటి ముఖ్యమంత్రిగా బాధ్యతలు స్వీకరించారు. చెన్నై నుంచి తరిమివేసినప్పుడు కర్నూలులో గుడారాలు వేసి పరిపాలన ప్రారంభించారు. ఈరోజు కూడా అక్కడ "గుడారాల కాలనీ" చారిత్రాత్మకంగా నిలిచి ఉంది.

అంతేకాక, కేంద్రంతో పోరాటం చేసి నిధులు సాధించి ప్రకాశం బ్యారేజీని విజయవాడ వద్ద నిర్మించారు. జమీందారీ వ్యవస్థను రద్దు చేసి పేదల వెన్నంటారు అయ్యారు.

ఈయన విగ్రహాన్ని అమరావతిలో ఏర్పాటు చేస్తే అది తెలుగు ప్రజల త్యాగ, సేవా పరంపరను యువతకు గుర్తు చేసి, ఇది వారి హృదయాల్లో స్ఫూర్తిని నాటుతుంది అన్నారు సీతారామమూర్తి గారు.

అందుకే నెమ్మాని సీతారామమూర్తి గారు – "అమరావతిలో టంగుటూరి ప్రకాశం పంతులు గారి విగ్రహాన్ని కూడా ఏర్పాటు చేయాలని" ముఖ్యమంత్రి చంద్రబాబు నాయుడు గారిని విన్నవించారు.