ఓటీటీ లోకి సిద్ధార్థ్ ‘3బీహెచ్కే’ మూవీ

సిద్ధార్థ్ నటించిన తాజా ఎమోషనల్ ఫ్యామిలీ డ్రామా ‘3బీహెచ్కే’. శ్రీ గణేష్ దర్శకత్వంలో తమిళ ప్రేక్షకులతో బాగా కనెక్ట్ అయ్యింది. అయితే తెలుగు రాష్ట్రాల్లో సాధారణ స్పందననే సొంతం చేసుకుంది. ప్రాంతాల వారీగా మిశ్రమ స్పందన వచ్చినప్పటికీ, ఈ సినిమా తన హార్ట్ టచింగ్ కథనం, నటనలతో ప్రశంసలు అందుకుంది. ఇప్పుడు ఈ చిత్రం డిజిటల్ విడుదలకు సిద్ధమవుతోంది.

ప్రస్తుత బజ్ ప్రకారం... ‘3బీహెచ్కే’ ఈ చిత్రం ఆగస్టు 1, 2025 నుంచి అమెజాన్ ప్రైమ్ వీడియోలో స్ట్రీమింగ్ కానుంది. ఇది తెలుగుతో సహా బహుళ భాషల్లో అందుబాటులో ఉంటుందని భావిస్తున్నారు. ప్లాన్ ప్రకారం జరిగితే, ఈ సినిమా ఓటీటీ లో మరింత విస్తృత ప్రేక్షకాదరణ పొందే అవకాశం ఉంది. చైత్ర జే. ఆచార్ కథానాయికగా నటించగా, ఆర్. శరత్‌కుమార్ సిద్ధార్థ్ తండ్రిగా కనిపించారు. దేవయాని, యోగి బాబు, వివేక్ ప్రసన్నలు కూడా తారాగణంలో ఉన్నారు. ఈ చిత్రాన్ని శాంతి టాకీస్ నిర్మించగా, అమృత్ రామ్‌నాథ్ సంగీతం సమకూర్చారు.