హీరోయిన్ గా ‘ఓజీ’ గాళ్ ?

పవన్ కళ్యాణ్ హీరోగా నటించిన "ఓజీ" చిత్రం సుమారు రూ. 250 కోట్లు ప్రపంచవ్యాప్తంగా వసూలు చేసి విజయం సాధించడంతో దర్శకుడు సుజిత్ ప్రస్తుతం ఆ సంతోషంలో ఉన్నాడు. దసరా సందర్భంగా నాని హీరోగా.. దర్శకుడు సుజిత్ కాంబినేషన్‌లో ఒక చిత్రం ప్రారంభమైన సంగతి తెలిసిందే. నాని అండ్ సుజిత్ డార్క్ కామెడీతో కూడిన ఒక యాక్షన్ చిత్రం చేయబోతున్నారు. ప్రస్తుతం సుజీత్ ఈ మూవీ సన్నాహాల్లో ఉన్నాడు.

అయితే, నాని ప్రస్తుతం శ్రీకాంత్ ఓదెల దర్శకత్వంలో రూపొందుతున్న "ది ప్యారడైజ్" చిత్రంతో బిజీగా ఉన్నందున, ఈ చిత్రం నటీనటులు, సాంకేతిక నిపుణుల వివరాలను ఇంకా ప్రకటించలేదు. నాని 2026 ప్రారంభంలో సుజిత్ ప్రాజెక్ట్‌లో చేరనున్నట్లు అంచనా. ఇంతలో, సుజిత్ స్క్రిప్ట్‌ను ఖరారు చేసి, టీమ్‌ను ఫైనల్ చేయడం ప్రారంభించాలి.

ప్రియాంక అరుల్ మోహన్ ను హీరోయిన్‌గా తీసుకునే అవకాశం ఉందని ఊహాగానాలు వినిపిస్తున్నాయి, ఎందుకంటే ఆమె "ఓజీ" లో కథానాయికగా నటించింది. నానితో కలిసి "గ్యాంగ్ లీడర్", "సరిపోదా శనివారం" చిత్రాలలో కూడా పనిచేయడం వలన ఆమెకు నానితో మంచి అనుబంధం ఉంది. హీరోయిన్ విషయంలో సుజిత్ ఏమి నిర్ణయం తీసుకుంటాడో వేచి చూడాలి.