టాలీవుడ్ లోకి మరో మల్లూ బ్యూటీ ఎంట్రీ

ప్రస్తుతం మలయాళంలో మంచి సినిమాలు చేస్తూ వరుస విజయాలు అందుకుంటున్న నటి మహిమా నంబియార్. ఈమె ఇప్పుడు తెలుగులోకి అడుగుపెడుతోంది. తన మొదటి తెలుగు చిత్రంలో శ్రీవిష్ణు సరసన నటించనుంది. ఈమె మలయాళంలో నటించిన 'ఆర్‌డీఎక్స్‌', 'జై గణేష్' , 'లిటిల్ హార్ట్స్','బ్రోమాన్స్ చిత్రాలకు విమర్శకుల ప్రశంసలు అందుకుంది. మలయాళంతో పాటు తమిళ చిత్రాలలోనూ నటించిన ఆమె ఇప్పుడు తెలుగులో అడుగుపెడుతోంది.

జనకిరామ్ మారెళ్ల దర్శకత్వంలో, శ్రీవిష్ణు కథానాయకుడిగా తెరకెక్కుతున్న ఈ సినిమాని 'స్కంద వాహన మోషన్ పిక్చర్స్' బ్యానర్‌పై నిర్మిస్తున్నారు. ప్రముఖ రచయిత కోన వెంకట్ ఈ చిత్రాన్ని సమర్పిస్తున్నారు. ఈ చిత్రంలో కథానాయికగా మహిమా నంబియార్ నటిస్తోంది. ఈ సినిమా టైటిల్‌ను దసరా పండుగ సందర్భంగా అక్టోబర్ 2న ప్రకటిస్తామని చిత్ర బృందం తెలిపింది. ఇటీవల 'సింగిల్' సినిమాతో మంచి విజయాన్ని అందుకున్న శ్రీవిష్ణు, వరుసగా కొత్త ప్రాజెక్టులను ఒప్పుకుంటున్నారు.