‘ది ప్యారడైజ్‘ను కలవరపెడుతున్న లీకులు

నేచురల్ స్టార్ నాని, శ్రీకాంత్ ఓదెల కలయికలో రూపొందుతున్న చిత్రం ‘ది ప్యారడైజ్’.‘దసరా‘తో నానికి వంద కోట్ల చిత్రాన్ని అందించిన శ్రీకాంత్ ఓదెల.. ‘ది ప్యారడైజ్‘ కోసం నేచురల్ స్టార్ ని మరింత రస్టిక్ గా ఆవిష్కరించబోతున్నాడు. లేటెస్ట్ గా ఈ మూవీ రామోజీ ఫిల్మ్ సిటీలో షూటింగ్ జరుపుకుంటుంది. నానిపై కీలకమైన యాక్షన్ ఘట్టాలను తెరకెక్కిస్తుంది టీమ్.

ఈ సెట్ నుంచి కొన్ని ఫొటోలు లీక్ కావడం చిత్రబృందాన్ని కలవరపెడుతుంది. ముఖ్యంగా ఓ జైలు సెట్‌లో మోహన్ బాబు ఫొటో కనిపించడంతో కథకు సంబంధించి కీలక వివరాలు ముందే బయటపడినట్లయింది. ఇప్పటికే వెటరన్ యాక్టర్ మోహన్ బాబు ఈ చిత్రంలో నటిస్తున్నట్టు ప్రచారం జరిగింది. ఈ లీక్డ్ ఫోటోతో అది కన్ఫమ్ అయ్యింది.

ఇంకా ఈ సినిమాలో ‘కిల్’ ఫేమ్ రాఘవ జుయాల్ విలన్ గా కనిపించబోతున్నాడు. కోలీవుడ్ రాక్ స్టార్ అనిరుధ్ ఈ చిత్రానికి సంగీతాన్ని సమకూరుస్తున్నాడు. ఎస్‌ఎల్వీ సినిమాస్ బ్యానర్‌పై సుధాకర్ చెరుకూరి ఈ చిత్రాన్ని నిర్మిస్తున్నారు. వచ్చే ఏడాది మార్చి 26న పలు భాషల్లో ‘ది ప్యారడైజ్‘ విడుదలకు ముస్తాబవుతుంది.