కొత్త రిలీజ్ డేట్ తో జాన్వీ ‘పరమ్ సుందరి’

బాలీవుడ్ బ్యూటీ జాన్వీ కపూర్ ప్రస్తుతం రామ్ చరణ్‌ సరసన హీరోయిన్ గా ‘పెద్ది’ సినిమా షూటింగ్‌లో బిజీగా ఉంది. అదే సమయంలో, ఆమె తదుపరి హిందీ చిత్రం ‘పరమ్ సుందరి’ విడుదలకు సిద్ధమవుతోంది. తుషార్ జలోటా దర్శకత్వం వహించిన ఈ రొమాంటిక్ కామెడీ మొదట జులై 25, 2025న థియేటర్లలో విడుదల కావాల్సి ఉండగా.. ‘సైయారా’ సినిమా సూపర్ హిట్ అవడంతో ఈ మూవీ రిలీజ్‌ను వాయిదా వేశారు.

తాజాగా, చిత్ర బృందం ‘పరమ్ సుందరి’ చిత్రానికి కొత్త విడుదల తేదీని ప్రకటించింది. పరమ్ సుందరి ఆగస్టు 29, 2025న ప్రేక్షకుల ముందుకు రానుంది. ఈ ప్రకటనతో పాటు, సోను నిగమ్, కృష్ణకలి సాహా ఆలపించిన మొదటి పాట ‘పరదేశియా’ ను కూడా విడుదల చేశారు. ఈ ఆత్మీయమైన గీతానికి సచిన్-జిగర్ సంగీతం సమకూర్చారు.

ఈ చిత్రంలో జాన్వీ సరసన సిద్ధార్థ్ మల్హోత్రా హీరోగా నటిస్తున్నాడు. మ్యాడాక్ ఫిల్మ్స్ బ్యానర్‌పై దినేష్ విజన్ ఈ సినిమాను నిర్మిస్తున్నారు. వైవిధ్యమైన సాంస్కృతిక నేపథ్యంలో రూపొందిన పరమ్ సుందరి కథ.. ఉత్తర భారతీయుడైన పరమ్, దక్షిణ భారతీయురాలైన సుందరి మధ్య జరిగే తమాషా... హార్ట్ టచింగ్ రొమాన్స్‌ చుట్టూ తిరుగుతుంది.