‘ఓజీ’ హంగామా మొదలైంది

పవర్‌స్టార్ పవన్ కళ్యాణ్ ‘ఓజీ’ సినిమా కోసం అభిమానులు ఎదురుచూపులు ఎప్పటినుంచో కొనసాగుతున్నాయి. ఇక సినిమా విడుదలకు కేవలం ఐదు రోజులు మాత్రమే ఉండటంతో ఇప్పుడు ప్రమోషన్స్ హై పిచ్‌లో సాగుతున్నాయి. ఇప్పటికే రెండు తెలుగు రాష్ట్రాల ప్రభుత్వాల ఈ సినిమా టికెట్స్ పెంపుకు ఆమోద ముద్రవేశాయి.

లేటెస్ట్ గా హైదరాబాద్‌లోని ప్రసాద్ మల్టీప్లెక్స్‌లో అడ్వాన్స్ బుకింగ్స్ ప్రారంభం అయ్యాయి. మల్టీప్లెక్స్ యాజమాన్యం తమ అధికారిక ‘ఎక్స్’ అక్కౌంట్ ద్వారా ఈ విషయాన్ని ప్రకటించారు. మరోవైపు రేపు ‘ఓజీ‘ ట్రైలర్ రాబోతుంది. అలాగే.. రేపు సాయంత్రం ఈ సినిమా ప్రీ రిలీజ్ ఈవెంట్ ను గ్రాండ్ లెవెల్ లో నిర్వహించడానికి సన్నాహాలు జరుగుతున్నాయి.