ఎన్టీఆర్-నీల్ ప్రాజెక్ట్‌లో శ్రుతి?
మ్యాన్ ఆఫ్ మాసెస్ ఎన్టీఆర్, మాస్ యాక్షన్ మాస్టర్ ప్రశాంత్ నీల్ కాంబినేషన్‌లో తెరకెక్కుతున్న చిత్రం చుట్టూ ఇప్పుడు భారీ హైప్ నెలకొంది. ఈ సినిమా టైటిల్‌గా ‘డ్రాగన్’ను పరిశీలిస్తున్నట్టు సమాచారం. పీరియాడిక్ నేపథ్యంలో రూపొందుతున్న ఈ చిత్రం మంగళూరులో శరవేగంగా చిత్రీకరణ జరుపుకుంటుంది. అక్కడ పోర్ట్ బ్యాక్‌డ్రాప్ లో ఓ యాక్షన్ సీక్వెన్స్ తెరకెక్కిస్తున్నాడు ప్రశాంత్ నీల్.
ఈ షెడ్యూల్ లో యంగ్ టైగర్ ఎన్టీఆర్ కూడా పాల్గొంటున్నాడు. ఇక ఈ సినిమాలో హీరోయిన్ గా రుక్మిణి వసంత్ ఫైనలైజ్ అయ్యిందనే ప్రచారం ఉంది. కానీ.. ఇప్పటివరకూ టీమ్ అధికారికంగా ప్రకటించలేదు. మరోవైపు ఈ మూవీలో శ్రుతి హాసన్ కూడా భాగస్వామ్యమవ్వబోతుందట.
ఇప్పటికే ప్రశాంత్ నీల్ తెరకెక్కించిన 'సలార్'లో శ్రుతి హీరోయిన్ గా నటించింది. అయితే.. ఎన్టీఆర్ మూవీలో శ్రుతి కేవలం స్పెషల్ నంబర్ వరకే పరిమితం కానుందట. 'కేజీఎఫ్'లో తమన్నా చేసిన ఐటెం సాంగ్ తరహాలో ఈ పాట ఉండబోతున్నట్టు తెలుస్తోంది.
గతంలో 'ఆగడు' కోసం స్పెషల్ నంబర్ లో అదరగొట్టింది శ్రుతి. ఆ తర్వాత 'హాయ్ నాన్న'లోనూ ఆ తరహా పాటలో మురిపించింది. ఇక ఎన్టీఆర్ తో 'రామయ్య వస్తావయ్యా'లో హీరోయిన్ గా నటించింది. మొత్తంగా 'ఎన్టీఆర్-నీల్' మూవీలో శ్రుతి సాంగ్ స్పెషల్ అట్రాక్షన్ గా నిలవనున్నట్టు తెలుస్తోంది.