'వార్ 2'పై ఎన్టీఆర్ క్రేజీ అప్డేట్!

వచ్చే నెలలో పాన్ ఇండియా లెవెల్ లో రాబోతున్న క్రేజీ మూవీ 'వార్ 2'. సూపర్ హిట్ 'వార్' ఫ్రాంఛైజ్ లో వస్తోన్న సెకండ్ మూవీ ఇది.బాలీవుడ్ ప్రెస్టేజియస్ యశ్ రాజ్ ఫిల్మ్స్ బ్యానర్ పై అయన్ ముఖర్జీ తెరకెక్కిస్తున్న ఈ చిత్రంలో మ్యాన్ ఆఫ్ మాసెస్ తో పాటు బాలీవుడ్ గ్రీక్ గాడ్ హృతిక్ రోషన్ కూడా నటిస్తున్నాడు.

నార్త్, సౌత్ సమ్మేళనంతో బడా మల్టీస్టారర్ గా రూపొందుతున్న 'వార్ 2' చివరి అంకానికి చేరుకుంది. లేటెస్ట్ గా ఈ మూవీ షూటింగ్ మొత్తం పూర్తైనట్టు ఎన్టీఆర్ సోషల్ మీడియా వేదికగా తెలిపాడు. 'వార్ 2' ప్రయాణం నుంచి ఎన్నో నేర్చుకున్నానని.. ముఖ్యంగా హృతిక్ రోషన్ తో కలిసి పనిచేయడం ఓ మధురానుభూతి అని ట్విట్టర్ లో తెలిపాడు తారక్.

అయాన్ ఈ చిత్రాన్ని ఎంతో అద్భుతంగా మలిచాడని.. ఆడియన్స్ కోసం ఓ పెద్ద సర్ప్రైజ్ ప్యాకేజ్ రెడీగా ఉందంటూ టీమ్ మొత్తానికి ధన్యవాదాలు తెలిపాడు ఎన్టీఆర్. లేటెస్ట్ గా ఈ చిత్రంలో తారక్-హృతిక్ కాంబోలో చిత్రీకరించిన పాటతో 'వార్ 2' షూట్ పూర్తైనట్టు తెలుస్తోంది. ఆగస్టు 14న వరల్డ్ వైడ్ గా 'వార్ 2' రిలీజ్ కు రెడీ అవుతుంది.