TFJA ఆధ్వర్యంలో ఐ స్క్రీనింగ్ క్యాంప్‌
తెలుగు ఫిలిం జర్నలిస్ట్ అసోసియేషన్ (TFJA) ఆధ్వర్యంలో శనివారం (ఏప్రిల్ 26) ఫీనిక్స్ ఫౌండేషన్ మరియు శంకర్ ఐ హాస్పిటల్ సంయుక్తంగా తెలుగు ఫిలిం చాంబర్‌లో ఉచిత కంటి పరీక్షల శిబిరం నిర్వహించాయి. ఈ హెల్త్ క్యాంప్‌లో 100 మందికి పైగా జర్నలిస్టులు మరియు వారి కుటుంబ సభ్యులు పాల్గొని కంటి పరీక్షలు చేయించుకున్నారు.
ఈ కార్యక్రమానికి హీరో ప్రియదర్శి, ప్రముఖ నిర్మాత నాగ వంశీ, ఫీనిక్స్ గ్రూప్ డైరెక్టర్ అవినాష్ చుక్కపల్లి, శంకర్ ఐ హాస్పిటల్ యూనిట్ హెడ్ విశ్వమోహన్ ముఖ్య అతిథులుగా హాజరయ్యారు. ప్రియదర్శి, నాగ వంశీ రిబ్బన్ కట్ చేసి క్యాంప్‌ను ప్రారంభించగా, అనంతరం ఫీనిక్స్ గ్రూప్ డైరెక్టర్ అవినాష్ చుక్కపల్లి, శంకర్ ఐ హాస్పిటల్ యూనిక్ హెడ్ విశ్వమోహన్, TFJA ప్రెసిడెంట్ లక్ష్మీనారాయణ, వైస్ ప్రెసిడెంట్ రఘు, జనరల్ సెక్రటరీ వై.జె. రాంబాబు చేతుల మీదగా జ్యోతి ప్రజ్వలన జరిగింది.
ప్రియదర్శి కూడా తన కంటి పరీక్షలు చేయించుకున్నారు. ఆయన చూపు పర్ఫెక్ట్ ఆల్ రైట్ అని వైద్యులు తెలిపారు. అనంతరం ప్రియదర్శి మాట్లాడుతూ జర్నలిస్టుల ఆరోగ్యంపై శ్రద్ధ చూపుతున్న TFJA, ఫీనిక్స్ ఫౌండేషన్, శంకర్ ఐ హాస్పిటల్‌కు కృతజ్ఞతలు తెలిపారు. ఆరోగ్యం పట్ల ప్రతి ఒక్కరూ జాగ్రత్త వహించాలని సూచించారు.