'కింగ్డమ్' కోసం దుల్కర్!

టాలీవుడ్ లో 'కింగ్డమ్' ఫీవర్ స్టార్ట్ అయ్యింది. మరో ఐదు రోజుల్లో ఈ చిత్రం ప్రేక్షకుల ముందుకు రాబోతుంది. విజయ్ దేవరకొండ, భాగ్యశ్రీ బోర్సే జంటగా గౌతమ్ తిన్ననూరి ఈ చిత్రాన్ని తెరకెక్కించాడు. సితార ఎంటర్ టైన్ మెంట్స్ బ్యానర్ పై నాగవంశీ నిర్మించిన ఈ మూవీ ట్రైలర్ లాంఛ్ తిరుపతిలో జరుగుతుంది.

ఇప్పటికే ‘కింగ్డమ్’ సెన్సార్ పూర్తయ్యింది. సెన్సార్ బోర్డు U/A సర్టిఫికెట్ జారీ చేయగా, ఈ విషయాన్ని చిత్ర బృందం అధికారికంగా ప్రకటించింది. ఈ చిత్రంలో భాగ్యశ్రీ బోర్సే హీరోయిన్‌గా నటించగా, సత్యదేవ్ కీలక పాత్రలో కనిపించనున్నాడు. ఈ సినిమాకు అనిరుధ్ రవిచందర్ సంగీతం అందిస్తున్నాడు.

ఈ సినిమాను కేరళలో దుల్కర్ సల్మాన్‌ ‘వేఫరార్ ఫిల్మ్స్’ ద్వారా విడుదల చేయనుండడం మరో స్పెషల్ అట్రాక్షన్‌గా నిలుస్తోంది. మరోవైపు, అమెరికా ప్రీమియర్లకు ట్రెమండస్ రెస్పాన్స్ లభిస్తోంది. ఇప్పటికే USA లో 100K డాలర్స్ పైగా ప్రీ సేల్స్ నమోదు కావడం విశేషం.