వరద బాధితులకు బాలయ్య అండ

తెలంగాణ రాష్ట్రంలో ఇటీవల సంభవించిన భారీ వరదలు కొన్ని జిల్లాలలను అతలాకుతలం చేశాయి. ముఖ్యంగా కామారెడ్డి జిల్లాలో వరదల వల్ల భారీ విధ్వంసం సంభవించింది. ఈ విపత్తు కారణంగా రైతులు, స్థానిక ప్రజలు తీవ్ర నష్టాన్ని చవిచూశారు. ఈ నేపథ్యంలో నందమూరి బాలకృష్ణ తన వంతు సహాయాన్ని అందిస్తూ, తెలంగాణ ముఖ్యమంత్రి సహాయ నిధికి రూ.50 లక్షల ఆర్థిక సాయాన్ని ప్రకటించారు.

తాజాగా హైదరాబాద్ లో జరిగిన కార్యక్రమంలో బాలకృష్ణ.. వరల్డ్ బుక్ ఆఫ్ రికార్డ్స్ అవార్డును అందుకున్నారు. ఈ సందర్భంగా ఆయన మాట్లాడుతూ 'వర్షాలు, వరదల కారణంగా తెలంగాణలో కొన్ని జిల్లాలలో ప్రాణ, ఆస్తి నష్టం జరిగింది. జరిగిన నష్టం దృష్ట్యా ఉడత భక్తిగా రూ.50 లక్షలు డొనేట్ చేస్తున్నాను. ఇక ముందు కూడా ఇలా నా సహకారం ఉంటుంది' అన్నారు.